Хулхачиева: Москвада кыргыз тилин үйрөтүп жатканыма сыймыктанам

15:00 04.09.2017

Москва мамлекеттик лингвистикалык университетиндеги Кыргыз тили жана маданияты борборунун жетекчиси Жеңишгүл Хулхачиева аталган окуу жайда кыргыз тили расмий окутулуп жатканын айтты.

Москвада кыргыз тилин үйрөтүп жатканы үчүн сыймыктанарын Москва мамлекеттик лингвистикалык университетиндеги Кыргыз тили жана маданияты борборунун жетекчиси Жеңишгүл Хулхачиева билдирди.

Анын айтымында, борбордо кыргыз тили боюнча сабак берилип келет.

"Кыргыз тилин Россияда окутуп, жайылтуу мен үчүн сыймык. Баамымда кыргыздын маданияты башка өлкөдө таанылып жатканы жакшы көрүнүш. Учурда Кыргыз тили окуу жайда расмий түрдө окутулуп жатат. Мындан сырткары, Москвада китептер чыгарылууда", — деди Хулхачиева.

Ал аталган окуу жайда кыргыз тилин өнүктүрүү үчүн кызматташууга дайым даяр экенин кошумчалады.


Яндекс.Метрика