Автотыгындардан улам кырсыктар көбөйдү, өкмөт чара көрүшү керек - депутат

12:00 01.03.2018
14968.730x0.jpg

Автомашиналардын көптүгүнөн улам, ордо калаа ышталып, адамдардын ден-соолугуна зыян келтирсе, автотыгындардан улам кырсыктар көбөйдү. Өкмөт мындай абалды оӊоо жаатында чара көрүшү керек. Бул тууралуу депутат Кожобек Рыспаев Жогорку Кеӊеш жыйынында билдиргенин парламенттин басма сөз кызматы маалымдады.

«Көптөгөн мамлекеттик органдар ири имараттарды ээлеп, шаардын ар кайсы жеринде жайгашкан. Тыгындар да ошондон пайда болууда. Менимче, алардын имараттарын сатуу менен, шаардын чет-жакасына жаӊы имарат куруп, мамлекеттик органды ошол жерге топтоо зарыл. Жаӊы имаратты сатылган имараттардын эсебинен эле курса болот. Ошондо автотыгындар азайып, аба тазармак», - дейт эл өкүлү.

Теги: Коомчулук, Жогорку Кенеш

Яндекс.Метрика