Депутат Тулендыбаев: 725 айылда таза суу жок

13:00 28.12.2017
13.730x0.jpg

Кыргызстанда 725 айылда дагы эле таза суу жок. Бул тууралуу депутат Пархат Тулендыбаев “ар түрдүү” маселелер талкууланган Жогорку Кеңештин жыйынында айтты.

“725 айылдын көпчүлүгүндө суу түтүктөрү СССР учурунда орнотулган. Ал эми 300дөн ашуун айылда суу түтүктөрү таптакыр жок”, - деди депутат.

Ал суу издөө менен алектенген адистешкен уюмдардын 13 миң доллар турган бонус маселесин чечүүнү сурады. Тулендыбаев калкы таза суу менен камсыздоого көңүл бурууга чакырды.

Депутат Төрөбай Зулпукаров өкмөт калкы ичүүчү суу менен камсыздоо, чек ара аймактарындагы жерлерди трансформациялоо маселелерин карап чыгуусу зарыл экенин айтты.

Анын айтымында, чек арага жакын жайгашкан Каримберди айылынын тургундары таза суу менен камсыздоону суранышууда. Депутат белгилегендей, Ноокатта таза суу жана канализация орнотуу маселеси курч турат.

Теги: Өкмөт, Жогорку Кенеш

Яндекс.Метрика