Казакстанда Кемероводогу трагедиядан кийин соода борборлору текшерилет

16:14 27.03.2018
Screenshot_8.png

 Казакстан премьер-министри Бакытжан Сагинтаев өкмөт жыйынында Кемероводогу трагедиядан кийин өлкөдөгү соода жана оюн-зоок жайларын текшерүүнү тапшырды.

Расмий маалыматтар боюнча Кемероводогу “Зимняя вишня” соода борборундагы өрттөн 64 киши мерт болду. Күбөлөр өлгөндөрдүн саны мындан дагы көп болушу мүмкүн деп эсептешет.

“Бул кайгылуу окуя бизге дагы сабак болушу керек. Учурда бул маселе социалдык түйүндөрдө талкууланууда, блогерлер жеке демилгелери менен соода борборлорун кыдырып, жабык жана ачык авариялык эшиктерди текшеришүүдө”, — деди Сагинтаев

Анын айтымында, текшерүүнү ИИМ өрткө каршы күрөшүү кызматы, акимчилик менен бирге жүргүзүшү керек. Ички иштер министринин орун басары Юрий Ильин журналисттерге берген интервьюсунда соода борборлору ырааттуу текшерилерин айтып, бирок оюн-зоок жайлары эвакуациялык эшиктерин айрым учурда жаап коюшарын четке каккан жок.

Тег: Кырсык

Яндекс.Метрика