Жээнбеков иш сапар менен Ош облусунда болду - фоторепортаж

12:00 17.08.2018
42611.730x400.jpg

Кыргыз Республикасынын Президенти Сооронбай Жээнбеков өлкөбүздүн аймактары боюнча иш сапарларын улантууда.

Кыргыз Республикасынын Президенти Сооронбай Жээнбеков кызматына киришкенден бери Нарын, Баткен, Ысык-Көл, Талас жана Чүй облустарында иш сапарлары менен болгон.

Кечээ, 16-августта иш сапарынын экинчи күнүндө Мамлекет башчысы Ош шаарындагы Ош мамлекеттик университетинин искусство факультетинин жаңы имаратынын жана Кыргыз Республикасынын Мамлекеттик чек ара кызматынын башкармалыгынын Ош облусундагы «Жаңы-Жер» чек ара заставасынын жаңы комплексинин салтанаттуу ачылыш аземине катышты. Ошондой эле Араван районундагы «Бирлик» үрөнчүлүк айыл чарба кооперативинин ишмердиги менен таанышты.

Иш сапарынын соңунда Президент Сооронбай Жээнбеков Ош облусунун жана Ош шаарынын укук коргоо органдарынын, күч түзүмдөрүнүн жана жергиликтүү мамлекеттик бийлик органдарынын жетекчилери менен кеңешме өткөрдү.

Тег: Президент

Яндекс.Метрика